आमची यशोगाथा
ग्रामपंचायत महालखेडा, येवला – निसर्गाच्या कुशीतलं एक जिवंत चित्र
नाशिक-येवला राज्य मार्गाच्या गडद रेषेपासून थोडं पूर्वेकडे वळलं, की तिथं साक्षात निसर्गाचं एक अव्यक्त सुंदर रुप भेटतं , महालखेडा पाटोदा गाव. सुमारे ४०९ लोकवस्तीचं हे गाव काळ धोंडी नदीच्या काठावर निवांतपणे विसावलेलं आहे. गावाचं स्वरूप लहान, पण त्याची ओळख मोठी इथली माणसं, संस्कृती, निसर्ग, सृष्टी आणि श्रम यांचं एक अनोखं संमीलन इथे दिसतं.
धार्मिक आणि सांस्कृतिक ओळख
बुवाजी बाबा" हे महाराष्ट्रातील, विशेषतः नाशिक जिल्ह्यातील सिन्नर आणि डिग्रस यांसारख्या भागांमध्ये प्रसिद्ध असलेले एक श्रद्धास्थान आहे. त्यातलेच एक मंदिर महालखेडा पाटोदा येथे आहे हे देवस्थान नवसाला पावणारे असून यात्रोत्सवासाठी भाविकांची मोठी गर्दी होतेउत्पन्नाचे स्रोत: श्रमशीलतेचं गाव
गावकऱ्यांची मुख्य जीवनरेखा म्हणजे शेती आणि मोलमजुरी.
गावाचा पूर्व भाग म्हणजे एक बागायती शेताचं स्वप्न, नांदूर मधमेश्वर डावा कालव्यामुळे इथे शेती भरभराटीला आली आहे. प्रामुख्याने कांदा,मक्का ,सोयाबीन, टोमॅटो इत्यादी यासारख्या पिकांची हिरवळ नजरेत भरते. तर गावच्या काही भागाची शेती अजूनही पावसाच्या पाण्यावर निर्धारित आहे. रोजंदारी, लघुउद्योग, अशी काही स्वप्नं तिथं मूळ धरू लागली आहेत.
